الرئيسية منوعات زينة: قادرة أعيش من غير راجل.. والبخيل والكسول بلاش منه

زينة: قادرة أعيش من غير راجل.. والبخيل والكسول بلاش منه

بـ نورس نيوز

النورس نيوز _ وكالات عربية

قالت الفنانة زينة: “عايزة أعجز بسرعة علشان أشوف ولادي يكبروا وأشوفهم في الجامعة وناجحين، وعن نفسي بعمل لهم كل حاجة، وبشتغل وبوصلهم المدرسية وبذاكر لهم، والإنجليزي بتاع 4 ابتدائي لسه مش صعب عليا وانا أصلًا كنت في مدارس فرنساوي”.

حياة زينة الخاصة
وتابعت خلال لقائها ببرنامج “الحكاية” الذي يقدمه الإعلامي عمرو أديب بقناة “mbc مصر”: “بشتري حاجتي من السوبر ماركت بنفسي، واكتشفت مؤخرًا أن فيه زيادة في الأسعار”.

مسئولية زينة
وأضافت: “مش فارق معايا أن يكون في حياتي راجل يصرف عليا وعلى أولادي، وممكن يكون الست متجوزة شخص بخيل وكسول هنعمل بيه إيه بقى، وأنا عمري ما جاتلي هدية من حد، ومفكرتش أن يكون فيه راجل في حياتي يصرف عليا وعلى ولادي”.

زينة: ربنا بيسترنا كتير ولكن لما نتمادى في الغلط بيشيل الستر عننا
إنفاق زينة على أبنائها
أكدت: “أكره جملة أن الست متقدرش تعيش من غير راجل، وبحتقر الناس اللى بتقولها لأن إحنا بني آدمين قادرين نعيش ونصرف على نفسنا، ولازم المرأة تتحمل مسئولية أنها بقت أم ولازم تبقى جدعة وتربي عيالها صح، والست ممكن جدا تعيش من غير راجل، ولكن لو فيه راجل صح وكويس يبقى افضل، ولو الأب والأم هيكون بينهم مشاكل يبقى بالسلامة واللى يقدر يشيل المسئولية هو اللى يتحمل مسئولية التربية والرعاية، وأنا شبعانة حب يكفيني ويكفي عيالي”.



اكتب تعليقاً